Претставничкиот дом на американскиот конгрес гласаше за смена од функцијата на претседателот во заминување Доналд Трамп.
Членовите на долниот дом на американскиот конгрес го обвинија Трамп за поттикнување бунт пред упадот на дел од неговите приврзаници во Капитол Хил.
Претставничкиот дом на американскиот конгрес ја прифати резолуцијата со која се бара од потпретседателот на САД, Мајк Пенс, да го примени 25-тиот амандман на американскиот устав и да ги преземе претседателските овластувања од претседателот Доналд Трамп.
223 конгресмени гласаа за резолуцијата предложена од демократските конгресмени, додека 205 од нив беа против.
NEW: Pentagon to Arm National Guard Troops Deploying to Capitol for Inauguration w/@helenecooper https://t.co/A4vaqihXGp
— Adam Goldman (@adamgoldmanNYT) January 13, 2021
Од Пенс се бара да го спроведе 25-тиот амандман, кој му дава претседателски овластувања доколку претседателот не е во можност да ја извршува својата должност, што би го отстранило Доналд Трамп од функцијата една недела пред инаугурацијата на eо Бајден.
На Пенс му беа дадени 24 часа да го коментира тоа, но тој веќе рече дека не сака да го спроведе 25-тиот амандман, бидејќи тоа ќе биде, како што рече, „страшен преседан“.
Демократите најавија дека ќе го разгледаат отповикувањето на Трамп во Конгресот доколку Пенс не го спроведе 25-тиот амандман.
Ова е втор обид да се започне 25-тиот амандман.
