Манекенката Сани Педерсен ја отвори Пандорината кутија и презентираше застрашувачки факти за жртвата што ја трпат моделите за да ги исполнат наметнатите стандарди за убавина.
Конкуренцијата во модниот свет е брутална, а за да се најде работа, моделот треба да работи напорно и да исполнува понекогаш тешки услови, честопати за многу малку пари. Многумина прибегнуваат кон екстремни методи за да останат на модната писта.
– Видов дека шеснаесетгодишна манекенка за малку ќе се самоубиеше. Јаде памучни топчиња само за да преживее и остане слаба – вели Сани.
Памучната волна останува во стомакот доволно долго за да ги направи сити, но ова е само еден во низата опасни трикови на кои прибегнуваат моделите.
– Моделите минуваат низ пекол за да останат слаби – вели Сани и се сеќава на цимерка која испила толку лаксативи што поминала 12 часа во тоалет и врескала од агонија.
Манекенката вели дека била многу исплашена кога ја видела таа сцена, но се сеќава и на своето искуство. Имено, кога дошла во Њујорк, пушела по 20 цигари дневно и живеела само на кафе.
„Немаше доволно месо на моите коски“, призна таа.
Сани сега има 8 килограми повеќе и живее со сопругот и личен тренер во Њујорк заедно со нивното бебе. Според стандардите на модната индустрија, тие ја сметаат за дебела и отворено и кажуваат на кастинзите.
– Ова е моја агенција и јас сакам анорексични девојки – и рекол основачот на светски позната агенција.
Според неа, повеќето девојки кои го одбрале овој повик живеат на едно јаболко на ден, кое го делат на неколку парчиња, дистрибуирајќи ги како дневни оброци.
– Моравме да се прикрадеме до бањата за да пиеме вода тајно – се присетува Сани на ревија на Модна недела.
Виктори Даукер, поранешна француска манекенка, која работела на писта за Прада, Селин и Меквин, еднаш објави книга што носи порака до многу млади девојки кои сонуваат за манекенска работа наречена „Size Zero: My Life as a Disappearing Model“. Во книгата таа детално го опиша исцрпувачкото нарушување во исхраната поради кое се обидела да се самоубие кога имала само 18 години.
Се онесвестила пред нејзиниот агент, а тој и дал парче пилешко, бидејќи било незамисливо да се даде шеќер на манекенка.
Сепак, и покрај здравствените проблеми со кои се соочуваат, а кои неизбежно вклучуваат анорексија, девојките се согласуваат на овој живот во борбата против конкуренцијата.
– Вие не сте ништо друго освен убава закачалка, но кога ќе стапнете на таа писта, чувството е неверојатно – беше искрена Сани.
