Македонска дипломатка на Обединетите нации која е пронајдена мртва во нејзиниот стан во Менхетн на новогодишната ноќ е М.В (39) од Скопје а полицијата како што дознава „Слободен печат“ се сомнева дека се работи за самоубиство.
Таа е пронајдена со лицето надолу и со ремен околу вратот во бањата од својот стан во источниот дел од Менхетн, дури околу пладне. Дипломатката живеела сама во апартман на четвриот кат.
Полицијата пронашла рецепти за антидепресивни лекови и две шишенца со мелатонин – едното празно, а другото речиси испразнето.
Според извештајот од Њујорк Пост во нејзиниот дом веднаш по брзата помош пристигнал и македонски дипломат, се претпоставува амбасадорот.
Неофицијално, младата дипломатка страдала од депресија подолго време пред да си го одземе животот.