Владата на Македонија донесе мерка со која се забрануваат летовите од и во Британија откако се појави новиот вид на мутиран коронавирус. Владата оваа одлука ја донесе по препорака на Комисијата за заразни болести и предвидено е истата да трае до крајот на оваа година.
Воедно се воведува и задолжителна 14 дневна изолација за сите патници кои по копнен пат доаѓаат од Британија.
Во меѓувреме од владата уверуваат дека состојбаата со вирусот е под контрола и дека течат подготовките за вакцинација.
Премиерот Заев вчера потврди дека се е направено навреме за набавка на вакцина. Тој очекува следните денови да се најде решение и за директна набавка. Од Бирото за јавни набавки се бара решение како директно да се купи вакцината.
Постои и можност за директна поддршка од Грција и Бугарија, а се размислува и за грант од 70 милиони евра за Западен Балкан за набавка на вакцините.
Се очекува деновиве да почне вакцинацијата во земјите од ЕУ откако вчера зелено светло за вакцината на Фајзер и Бионтек даде и Европската агенција за лекови. Агенцијата и препорача Европската комисија да даде условно одобрение за ставање во промет на вакцината, што треба да се случи за два дена.
Во САД,пак, почна вакцинацијата и со вакцината на „Модерна“.
Вакцините, според првичните истражувања на СЗО, ќе бидат ефикасни за заштита и од новата варијанта на коронавирусот. Иако побрзо се шири, заасега нема докази дека новата мутација на коронавирусот ќе доведе до зголемена смртност.
Бројот на заразени од КОВИД-19 од почетокот на пандемијата во светот достигна 77,5 милиони. Оздравеле 54,4 милиони, активни во моментов се 21,4 милиони, а битката со кононавирусот ја загубиле 1,7 милиони луѓе.
Кај нас вкупниот број дијагностицирани достигна 78434, оздравени се 55155, а починати 2314. Бројот на активни случаи е 21 979.
Во нашите болници се лекуваат 1197 пациенти, позитивни и сомнителни на КОВИД-19. Има околу 280 празни болнички кревети во ковид – центрите.
Во вчерашниот здравствен биланс беа евидентирани нови 129 случаи на КОВИД-19 од направено 591 тестирање, а 63 од новозаразените се во Скопје. Починаа 22 лица, а оздравени се 689 пациенти.
Дистрибуцијата по градови е следна:
• Скопје 33844, активни 11609
• Куманово 4469, активни 576
• Дебар 590, активни 139
• Штип 3193, активни 362
• Прилеп 3945, активни 792
• Тетово 4609, активни 970
• Струга 1904, активни 404
• Велес 2603, активни 568
• Битола 2867, активни 716
• Охрид 2218, активни 627
• Кавадарци 1892, активни 557
• Гостивар 3231, активни 657
• Гевгелија 1060 активни 314 (71 лица од ПЕ Гевгелија се жители на Дојран, 180 на Богданци и 12 се странски државјани)
• Струмица 2158, активни 619
• Крива Паланка 567, активни 121
• Радовиш 578, активни 133
• Крушево 155, активни 68
• Кочани 1516, активни 254
• Пробиштип 428, активни 52
• Демир Хисар 227, активни 39
• Македонски Брод 208, активни 33
• Пехчево 129, активни 15
• Берово 469, активни 76
• Валандово 274, активни 55
• Виница 430, активни 65
• Делчево 643, активни 211 (177 лица од ПЕ Делчево се од Македонска Каменица)
• Кратово 181, активни 24
• Свети Николе 1010, активни 146
• Кичево 1512, активни 275
• Ресен 600, активни 149
• Неготино 924, активни 339 (147 лица од ПЕ Неготино се жители на Демир Капија)
Активни случаи по општини Скопје
Гази Баба – 1712
Аеродром – 1589
Кисела Вода – 1560
Карпош – 1522
Центар – 1309
Ѓорче Петров – 1071
Чаир – 697
Бутел – 591
Илинден – 312
Шуто Оризари – 187
Сарај – 176
Петровец – 113
Зелениково – 110
Чучер Сандево – 103
Сопиште – 85
Студеничани – 59
Арачиново – 23
Странец – 274
Нераспределени – 116