Франција нема да се врати на ситуацијата пред коронавирусот до следната есен, бидејќи ќе биде потребно повеќе време за вакцинирање на населението отколку што беше претходно предвидено, изјави во петокот научниот советник на француската влада.
„Вакцините се голем извор на надеж, но кога ќе ги видите капацитетите за вакцинација во Франција и Европа, сфаќате дека ќе ни треба време“, изјави имунологот Жан-Франсоа Делфраси за телевизијата БФМ.
„Производството на вакцини ќе биде побавно отколку што се сметаше пред 15 дена или три недели“, рече Французинот, цитиран од Ројтерс.
„Нема да има недостаток на вакцини, но тие ќе бидат достапни за подолг временски период.
Делфреси проценува дека во Франција има 22 милиони поранливи лица и дека тие ќе бидат вакцинирани до мај, по што другите жители ќе ја примат вакцината.
На прашањето дали тоа значи дека Французите ќе продолжат да бидат под ограничувачки мерки до есента 2021 година, Делфраси одговори: „Повеќе или помалку“.
Французите ќе започнат да примаат вакцини Pfizer и BioNTech во последната недела од декември, откако Европската унија ќе го одобри следната недела, објави во средата премиерот Жан Кастекс.
Франција во последните 24 часа имала 18.254 нови случаи на инфекција со коронавирус, а според вкупниот број на заразени од почетокот на пандемијата, таа е на петто место со 2,42 милиони случаи.
