Адријана Лима со години ја сметаат за една од најубавите и најзгодните жени во светот. Пред да се пензионира од модните писти, во 2018 година, беше една од најбараните манекенки и еден од „Викториините ангели“, титула за која сонуваат сите девојки од светот на модата.
Славната Бразилка неодамна папараците ја фотографирале на улиците на Мајами како шета во лежерно издание – без трошка шминка, со немарна фризура, влечки и бели чорапи.
И не била сама, туку со помалата ќерка, 7-годишната Сиена која ја има од бракот со српскиот кошаркар Марко Јариќ. Имаат уште една ќеркичка, 11-годишната Валентина.
Адријана има 39 години, а со Јариќ во брак беа од 2009 до 2016 година. И по разводот двојката остана во добри односи, пред се, заради ќеркичките.
