Бананите речиси сите ги сакаат, а токму затоа и оваа јапонска диета е супер популарна. Овој режим на исхрана не е комплициран, евтин е, а може да ви помогне да загубите и до десет килограми за помалку од две недели.
Имено, Сумико Ватанабе, фармацевтка од Осака, овој едноставен план на исхрана го осмислила за да му помогне на својот сопруг Хитоши да го забрза метаболизмот и да се избори со вишокот килограми – и успеала во тоа, затоа што тој за неколку недели симнал 17 кг. Двојката со резултатите се пофалила на социјалните мрежи, а банана диетата добила огромна популарност.
Важно е да појадувате банана со една-две чаши вода на собна температура. Можете и да изедете повеќе од една банана, но не претерувајте. Најдобро е да застанете кај првата ако ви е доволно. Бананите јадете ги свежи, нема готвење, нема замрзнување, а нема ниту додавање јогурт или мусли. Водата која ја пиете и во текот на денот мора да биде на собна температура, никако ладна.
Што се однесува до останатите обрпци, нема одредени препораки што треба да се јаде за ручек или вечера, нема броење калории, а ниту забранети намирници. Важно е само да јадете помали оброци и да не с епрејадувате. Запрете кога ви е најслатко и обидете се да се држите до здрава храна.
Од десертите ќе мора да се откажете, а не се препорачуваат ни алкохолни пијалаци, газирани сокови. Ако баш имате потреба за слатко после 15 часот каснете малку темно чоколадо или некоја овошка.
После 20 часот не се јаде, идеално би било со оброците да завршите до 18 часот. Диетата се држи 7 или 14 дена.
