Утрово непознато лице се забило со својот автомобил во оградата пред канцеларијата на канцеларката Ангела Меркел во Берлин.
Деталите за инцидентот сè уште не се познати, а нема податоци за повредените.
Според полицијата, мажот кој управувал со возилото веднаш бил приведен.
Според странските медиуми на автомобилот се испишани пораките „Стоп за глобализацијата“ и „Проклети убијци на деца и стари лица“.
Во моментов вооружени припадници на полицијата и полициски кучиња се пред седиштето на германската канцеларка.
Меркел требаше да биде домаќин на видео конференција на тема продолжување и заострување на епидемиолошките мерки и понатамошните чекори за борба против пандемијата.