Неверојатно видео од Русија ги вознемири корисниците на социјални мрежи на кое се гледа како шестгодишно девојче паѓа од балкон на третиот кат од станбена зграда во Томск.
Како што се гледа од видеото девојчето паѓа од зградата, па станува и продолжува да оди.
Како што подоцна беше известено поминало без повреди поради високиот снег на тревникот, пренесе Спутник.
Несреќата е снимена од надзорните камери лоцирани на зградата.
По падот била повикана брза помош. Девојчето ја поминало ноќта на преглед во болницата, но, како што подоцна објави здравствената администрација во Томск, немала скршеници за време на падот.