Нов мутиран вид на коронавирус, откриен на фарми со визони (куни) во Данска, најверојатно изумрел, соопшти денеска данското Министерство за здравство.
- Нови случаи на варијантата кластер пет не се пронајдени во Визони од 15 септември, па затоа Државниот институт за серум процени дека оваа варијанта е најверојатно изумрена – се вели во соопштението на Министерството, пренесува Ројтерс.
Пред две недели, данската влада одлучи да ги убие сите одгледувани визони за да спречи ширење на вирусот, поради ситуација која ескалираше со откривањето на нов вид на вирус кој лесно се пренесува од животни на луѓе и покажа мала чувствителност на антитела.