Меморандум за разбирање и соработка во борбата против ковид-19 меѓу Србија, Северна Македонија и Албанија, како и меѓудржавен договор меѓу Србија и Албанија за слободно движење на граѓаните со лична карта, ќе биде потпишан на конференцијата „Мал Шенген“ во понеделник.
Претседателот на Србија, Александар Вучиќ, ќе учествува на конференцијата преку видео врска, беше соопштено од Претседателството.
На конференцијата ќе присуствуваат и премиерот на Албанија, Еди Рама и премиерот на Северна Македонија, Зоран Заев.
На состанокот ќе присуствуваат и премиерот на Србија, Ана Брнабиќ и министерот за здравство, Златибор Лончар.
Вториот дел од состанокот ќе биде отворен за јавноста преку следниот линк.
Вучиќ по видео состанокот одржан на 30 октомври со премиерите Зоран Заев и Еди Рама кажа дека е важно што се донесени неколку важни одлуки, кои ќе бидат спроведени најдоцна од 10 ноември.
„Тогаш без ПЦР тест ќе може да се оди во Албанија и Северна Македонија, или оттаму во Србија“, кажа Вучиќ.
Тој додаде дека министрите за здравство во наредните денови ќе формулираат договори како едни на други да си помагнеме, да можеме да примаме пациенти од Скопје и од Тирана, тие да можат да примаат српски државјани кои се наоѓаат на нивна територија, како да се регулираат трошоците.
„Ајде да видиме како едни на други да си помагаме со вакцините, да се појавиме некаде заедно во набавка на вакцините“, рече Вучиќ, додавајќи дека тоа била само една од точките на состанокот, која се однесува на ковид-19.
