Иако зборуваше за исклучиво експертска влада, мандатарот Здравко Кривокапиќ го предложи водачот на УРА, Дритан Абазовиќ за заменик-премиер и министер за одбрана, пишува подгорички „Вијести“, повикувајќи се на неофицијални информации.
Доколку тој предлог биде одбиен од партиите на парламентарното мнозинство, одлуката за министер за одбрана е Крсто Перовиќ.
Перовиќ работел во црногорската мисија во НАТО додека на власт беше ДПС на Мило Ѓукановиќ
Еве ги другите министерства според „Вијести“
Министерство за јавна администрација, дигитално општество и медиуми – м-р Тамара Срзентиќ
Министерство за екологија, просторно планирање и урбанизам – д-р Ратко Митровиќ, професор на Архитектонскиот факултет
Министерство за внатрешни работи – м-р Никола Терзиќ
Министерство за надворешни работи – м-р Ѓорѓе Радуловиќ
Министерство за економски развој – м-р Јаков Милатовиќ
Министерство за капитални инвестиции – Младен Бојаниќ, поранешен пратеник
Министерство за земјоделство, шумарство и водостопанство – м-р Александар Стијовиќ, од Институтот за шумарство
Министерство за образование, наука, култура и спорт – проф. Д-р Весна Братиќ, шеф на НВО Ние не ја даваме Црна Гора
Министерство за здравство – Докторанд Јелена Боровиниќ Бојовиќ, раководител на клиниката за пулмологија на Клиничкиот центар на Црна Гора
Министерство за правда, човекови права на малцинствата – д-р Владимир Лепосавиќ, адвокат и член на правниот тим на Митрополијата на Црна Гора и крајбрежјето
Министерство за финансии и социјална заштита – м-р Милојко Спајиќ
Пред да биде доставен предлогот до парламентот, мандатарот мора да добие согласност од партиските тела на владејачките коалиции.
Актуелната влада на Душко Марковиќ има 22 ресори – покрај премиерот, има тројца потпретседатели, министер без ресор и 17 министерства.