Ни претстојат многу, многу тешки месеци. На овој начин, нема да биде можно, предупреди германската канцеларка Ангела Мерке, пред своите партиски колеги во неделата вечерта.
Слично е во Франција, Италија, Холандија, Чешка, Австрија, Словенија, Белгија, Шпанија. За десет дена, бројот на заразени лица е двојно зголемен, бројките се рекордни и се најавуваат построги мерки дури и таму каде што „заклучувањето“ веќе е на сила.
Франција предупредува дека можат да имаат до 100.000 случаи на ден. Претходниот неславен рекорд беше 52.010 новоинфицирани за само 24 часа.
Белгија, Ирска и Велс имаат класична „блокада“. Вонредна состојба, меѓу другите, има во Шпанија и Франција, а австрискиот канцелар Себастијан Курц објави дека не е исклучена уште една „блокада“. За тоа, како што рече, ќе одлучува бројот во болниците.
Земјата со најмногу заразени по глава на жител е Чешка. Премиерот Андреј Бабиќ најави продолжување на вонредната состојба.
– Ако не се случи чудо, нема да ни остане ништо друго освен да ги засилиме мерките, рече тој.
Училиштата и повеќето продавници се веќе затворени, но многу Чеси не се придржуваат до мерките.
Словенија објави дека од вторник, на граѓаните не им е дозволено да го напуштат своето место на живеење, освен во итни случаи. Претходно, не им беше дозволено да го напуштат поширокиот регион, со полициски час од 21 до 6 часот наутро. Од викендот, хотелите и сите продавници освен храна беа затворени.
Ефективноста на „локдаун“ е прикажана во Израел. Таму, децата постепено се враќаат во училиштата откако бројот на новозаболени лица се намали од повеќе од 9000 на 2000 за 4 недели. Бројот продолжува да опаѓа, а во саботата забележале 692 заразени.
