Светот радикално се менува поради пандемијата на корона вирусот, што предизвика сериозни предизвици за Балканот, Европа и светот, чии последици може да се видат само во наредниот период, бидејќи не е можно точно да се каже колку ќе трае.
Ова е еден од заклучоците на меѓународната конференција Стратешки текови 2020: Геополитика на Ковид-19 и последиците од пандемијата врз светот, Европа и Балканот.
Поранешниот амбасадор на Србија во Германија и Велика Британија, Огњен Прибишевиќ оцени дека по пандемијата на корона вирусот, светот во кој живееме е целосно променет и дека е клучно да се најдат категории со цел да се толкува овој свет на поинаков начин.
- Мислам дека мора да се најдат нови категории, бидејќи не можеме да го објасниме светот на постојните, ова е промена на капиталот, а Ким Кардашијан и сè што е Холивуд влијаат на овој свет. Тоа е свет кој има влијание врз милиони – рече Прибишевиќ.
Во однос на економскиот аспект на кризата, поранешниот гувернер на Народната банка, Дејан Шошкиќ, изјави дека се под напад неразвиените и сиромашните земји, како и земјите кои својата економија ја темелат на туризам и се финансиски ранливи.
Шоскиќ исто така наведува дека меѓу главните цели секако треба да биде охрабрувањето на компаниите да се опорават, како и помош на ранливите групи, што, меѓу другото, може да се постигне преку субвенции, даночни олеснувања или кредитни гаранции.
Тој смета дека закрепнувањето на тие земји најмногу ќе зависи од тоа дали мерките на владата биле доволни за да се спречи рецесијата, за која не се знае колку ќе трае.
Европратеникот Франс Боговиќ оцени дека Европа се соочува со големи предизвици, и дека Брегзит секако е меѓу нив, односно како Велика Британија и Европа ќе се развијат во времето на пандемијата, како и предизвиците во врска со примената на владеењето на правото.
- Ковид е голем настан што ќе предизвика големи промени во наредните месеци. Оваа криза сигурно ќе доведе до побавен процес на интеграција – рече Боговиќ.
На конференцијата се дискутираше и за европската перспектива на Западен Балкан, а Душан Релиќ од Германскиот институт за безбедност и надворешна политика изјави дека регионот на Западен Балкан не може да биде поевропски отколку што е.
Конференцијата беше организирана од Форум за стратешки студии на Институтот за општествени науки со помош на Фондацијата Фридрих Еберт.
