Храната што најчесто се консумира во постудените денови, од есен до пролет, е значително потешка и помалку здрава отколку во потоплите делови од годината, пред се затоа што не обрнуваме внимание на разновидноста на храната.
Дури и по изобилството на витамини и свежа храна во текот на летните денови, мора да обрнеме посебно внимание да продолжиме со внесувањето витамини и минерали преку свежа храна за остатокот од годината.
Ви пренесуваме список на храна која е богата со витамини.
Цитруси
Портокалите, грејпфрутот и лимонот се богати со витамин Ц, корисни за кожата и метаболизмот и помагаат во борбата против вирусите. Влакната што ги содржат помагаат во контролата на холестеролот.
Мед
Медот е одлична алтернатива на шеќерот и се користи како засладувач. Во зима, може да се користи во поголеми количини затоа што ја одржува телесната топлина и помага во борбата против инфекциите и вирусите кои предизвикуваат настинки и грип.
Лук
Покрај подобрувањето на вкусот на храната и одржувањето на телесната топлина, лукот првенствено има антибактериско и антивирусно дејство, кое помага во борбата против разни зимски болести.
Коренест зеленчук
Морковот, цвеклото и компирот не само што се хранливи, туку изобилуваат и во текот на зимата, а исто така се и свежи. Морковот е богат со витамин А, корисен за кожата, а помага и во борбата против настинки и инфекции.
Зелен зеленчук
Спанаќот и сличниот зеленчук се важен дел од исхраната во текот на зимата. Самиот спанаќ е моќен антиоксиданс кој содржи големи количини на витамини А и Ц. Добар е за здравјето на косата и кожата, а богат е и со железо, протеини и минерали.
