Против Гранд продукција, со правен застапник Александар Саша Поповиќ и сопственикот на „Јунајтед Медија“, поденсена е тужба во која се бараат 9.000.000 евра, јавуваат српските медиуми.
Тужбата е поднесена од Саша Мирковиќ како продуцент, поради, како што е наведено во тужбата, „неовластено снимање и емитување на Александар Вуксановиќ во шоу програмата на обвинетиот „Ѕвездите на Гранд“, сезона 2015/2016/2017 и прва половина на сезоната 2018“.
Мирковиќ поднесол тужба за отштета врз основа на авторско право бидејќи, како што тврди, тој има потпишано договор за деловна соработка со Аца Лукас, со што сите права и обврски од истиот преминуваат на Саша како продуцент.
Според Саша Мирковиќ, на Лукас, му биле блокирани песните на Јутјуб, а потоа ги презентирал деталите за раскинувањето на соработката на Лукас со Гранд продукција, како и тужбите за оштета врз основа на авторски права во вредност од 9.000.000 евра.
– Гранд го направил каналот на Аца Лукас неовластено пред неколку години, но Аца Лукас сметал дека тоа е негов канал. Иако бевме во договорна врска, но тоа е ирелевантно во овој случај, мојот договор со него (Лукас) е сè уште валиден, тие го направија каналот како да е во сопственост на Лукас, а всушност тајно регистрираа дека тие се сопственици. Всушност, тие го украдоа Лукас од самиот Лукас – изјавува Мирковиќ.
– Сега, се разбира, со продажба на Гранд на Јунајтед Медија, Јунајтед Медија започна да ги блокира песните на Лукас. Бидејќи таква е ситуацијата, морав да посегнам по тужба – наведува менаџерот.
– Поднесов тужба од 9 милиони евра за учество на Аца Лукас во Гранд, бидејќи тие никогаш не добија согласност од мене како матичен продуцент, за што Лукас ги предупредуваше неколку години. На крајот, тој мораше да го откаже учеството во Гранд, и тоа е единствената причина зошто го откажа учеството – затоа што тие никогаш не добија моја согласност за такво нешто. Поповиќ избегнуваше да ја плаќа обврската цело време и сега кога тужбата отиде во „Јунајтед медиа“ и така натаму … – тврди Мирковиќ.
На прашањето како се разбрало дека песните на Аци се блокирани, Мирковиќ објасни дека тоа се случило кога започнале подготовките за новиот албум.
– Откривме затоа што подготвуваме нов албум. Баравме канал, прво кодовите одеднаш се изгубија.
Како што тврди Мирковиќ, никој не го информирал ниту него ниту Лукас дека песните ќе бидат блокирани.
Исто така е познато дека Аца требаше да одржи концерт на стадионот Ташмајдан на 29 септември, но поради целокупната ситуација, во договор со неговиот тим, вклучително и Саша, решил да го одложи.
