Поради новиот Закон за тутун во наредниот период сите пакувања ќе мораат да содржат по 20 цигари, со што досегашните пакувања со по 19 цигари нема да бидат дозволени да бидат пуштени во промет.
Законот беше донесен во мај минатата година, а мора да почне да се применува до ноември.
Производителите на цигари веќе го прилагодуваат производството, што заедно со зголемениот износ за акциза, која се наплатува по цигара, ги зголемува трошоците на компаниите за приближно 5 денари, за колку ќе бидат поскапени цигарите.
