Во случајот на Косово не се исполнети сите потребни услови за евентуално барање за кандидатура на Приштина за Европската Унија кој сериозно би се разгледал во Брисел, вели портпаролот на ЕУ, Питер Стано.
– Секој може да прави што сака, но реално гледано, кандидатура се поднесува и сериозно се разгледува само доколку исполнувате одредени критериуми, а еден од нив е да сте признати како држава од сите земји-членки. Без тоа, не можете да започнете вистински процес – рече Стано.
Тој исто така одговори на прашањето на албанските новинари дали неговата изјава за невозможноста на кандидатурата на Косово за членство во ЕУ е од политичка или правна природа.
– Тоа е животен факт, ЕУ прифаќа само признати држави за членки – заклучи Стано