16.8 C
Skopje
понеделник, јуни 3, 2024

Оваa се трите најчудни начини за слабеење

Ладен туш

Можеби ќе ви биде незамисливо да ја замените топлата вода со ладна под туш, но ако сакате да изгубите неколку килограми, навикнете се. Изложеноста на ниски температури има потенцијал да го поттикне метаболизмот со активирање на таканаречените „кафеави масти“ во вашето тело.

Нутриционистот Ким Пирсон објасни дека кога „кафеавата маст“ е изложена на температури под 16 степени, таа се обидува да ја одржи топлината на телото. Така се согоруваат вишокот калории, а научниците веруваат дека ладната терапија може да биде еден од начините за борба против зголемената стапка на дебелина и дијабетес тип 2.

Бојата на чинијата

Сигурни сме дека ви е смешно да слушнете дека бојата и големината на чинијата од која јадете се важни доколку сакате да изгубите тежина. Сепак, откриено е дека консумирањето храна од црвената чинија го спречува прејадувањето. Професорот Чарлс Спенс, психолог, објасни дека бојата на чинијата го мами мозокот да јаде помали оброци.

– Ќе јадете помалку храна од црвена чинија бидејќи се чини дека таа боја предизвикува некаков сигнал за опасност или предупредување за избегнување. Црвената боја и дава на храната помал контраст, што ја прави помалку пожелна, па ќе јадете помалку, објасни Спенс.

Спиење со маска

Уште еден многу необичен совет, а доаѓа од експерт. Во текот на ноќта, треба да се обидете да ја затемните просторијата. Научниците велат дека пред спиење треба да ги исклучите телефонот, телевизорот и светлата, па дури и да спиете со маска. Тим од Универзитетот Нортвестерн открил дека оние кои биле изложени на премногу светлина ноќе имаат 50 отсто поголем ризик од дебелина.

Читај Следно

10,371FansLike
2,319SubscribersSubscribe

Најнови Вести