12.8 C
Skopje
петок, мај 10, 2024

Девојките од Македонија во најмладите во Европа стапуваат во брак

Девојките од Македонија во најмладите во Европа стапуваат во брак споредено со другите земји во регионот.

Според податоците од Еуростат просечната возраст на која девојките од  Македонија се мажат е 26,6 години, покажува анализата на статистичкиот портал „Ландгеист“.

Девојките во Црна Гора стапуваат во брак просечно на 27,5 години, во Бугарија на 28,3, во Србија на 28,5, во Хрватска и во Косово на 28,8, а во Грција на 30,9 години.

Во повеќето европски земји, жените стапуваат првпат во брак на над 30 годишна возраст. Забележлива е разликата во западна и во источна Европа, колку се оди позапад, толку е поголема просечната возраст.

Најмлади се мажат Украинките на 24,9 години, девојите во Белорусија на 25,1 и во Турција на 25,2 години.

Жените во Шведска, пак, стапуваат во брак просечно на возраст 34,8 години, во Шпанија на 34,7, а во Норвешка на 34,1 година.

„Ландгеист“ забележува и дека возраста на која жените стапуваат во брак не мора да значи дека тие подоцна влегуваат во врска или основаат семејство. Ако се погледне картата на уделот на раѓања надвор од брак, се чини дека се повеќе парови прво раѓаат деца, а потоа стапуваат во брак или воопшто не стапуваат во брак.

Читај Следно

10,371FansLike
2,319SubscribersSubscribe

Најнови Вести