25.8 C
Skopje
понеделник, април 15, 2024

За прв пат во светот 13-годишно момче излечено од смртоносен рак на мозокот

Кога на Лукас на шестгодишна возраст му била дијагностицирана ретка форма на тумор на мозокот, немало сомнеж за прогнозата. Францускиот лекар Жак Грил сè уште покажува колку му е тешко кога ќе се сети дека морал да им каже на родителите на Лукас дека нивниот син ќе умре.

Но, седум години подоцна, Лукас има 13 години, а од туморот нема ни трага.

Белгиското момче е првото дете во светот што е излечено од глиома на мозочното стебло, еден од најбрзо растечките тумори на мозокот, според неговите лекари.

-Лукас ги победи сите шанси за да преживее, рече Грил, раководител на програмата за тумор на мозокот во Центарот за рак „Густав Руси“ во Париз.

Туморот, чие полно име е дифузен внатрешен понтински глиом (DIPG), е агресивен облик на тумор кој обично убива девет месеци по дијагнозата, а секоја година се дијагностицира кај околу 300 деца во САД и околу стотина во Франција. Сепак, прогнозата за децата со DIPG тумор останува лоша – повеќето не живеат ниту една година. Една неодамнешна студија покажа дека само 10 отсто од децата живеат уште две години.

Радиотерапијата понекогаш може да го забави ширењето на агресивен тумор, но ниту еден лек не е докажан како ефикасен против него, пишува Science Alert.

Нема друг случај како него

Лукас и неговото семејство отпатувале од Белгија во Франција за да се приклучат на експериментален третман за тестирање на потенцијални нови лекови за DIPG. Од самиот почеток, Лукас силно реагирал на лекот за рак еверолимус (Афинитор), кој му бил доделен по случаен избор.

„За време на серија на магнетна резонанца, гледав како туморот целосно исчезнува“, изјави Грил за АФП.

Но, докторот не се осмели да го прекине режимот на лекување, барем до пред година ипол кога Лукас открил дека и онака повеќе не ги зема лековите.

-Не знам за ниеден таков случај во светот, изјави Грил.

Точно зошто Лукас целосно се опорави и како неговиот случај може да им помогне на другите деца како него, останува да се види. Седумте преостанати деца во испитувањето преживеале години по дијагнозата, но само туморот на Лукас целосно исчезнал.

Причината зошто овие деца реагирале на лековите, додека другите не реагирале веројатно е поврзана со биолошките особености на нивните индивидуални тумори, рече Грил.

-Туморот на Лукас имаше исклучително ретка мутација која, веруваме, ги направи неговите клетки почувствителни на лекот, додаде тој.

Научниците сега ќе се обидат да ги репродуцираат ин витро разликите идентификувани во неговите клетки со цел да го откријат точниот метод со кој биле убиени клетките на ракот. Тие предупредија дека секој можен третман со широк спектар е сè уште далеку.

„Во просек, потребни се 10 до 15 години од првиот експеримент за нешто да стане лек, тоа е долг процес“, вели Грил.

Читај Следно

10,371FansLike
2,319SubscribersSubscribe

Најнови Вести