Русија би можела да ги саботира подморските кабли за да ги казни западните земји за поддршката на Украина, предупреди во средата шефот на разузнавањето на НАТО Дејвид Катлер, додека Алијансата ги засилува напорите за заштита на подморската инфраструктура.
„Постои зголемена загриженост дека Русија би можела да ги таргетира подморските кабли и другата критична инфраструктура во обид да го наруши животот на Запад и да добие потпора над оние земји кои ја поддржуваат Украина“, рече Катлер за новинарите.
„Русите се поактивни отколку што сме ги виделе со години во оваа област“, рече тој, додавајќи дека тие патролираат многу почесто преку Атлантикот отколку во последните години, а исто така ја засилија активноста во Северното и Балтичкото море.
Интересно, Катлер ги наведува експлозиите на рускиот гасовод Северен тек како примери за саботажа, но одби да шпекулира кој стои зад нападот.
