6.8 C
Skopje
среда, март 27, 2024

Бајден: Сите оние кои доведоа до колапс на банката во Силициумската долина (СВБ) ќе одговараат

Американскиот претседател Џозеф Бајден најави дека оние кои доведоа до колапс на банката во Силициумската долина (СВБ) ќе одговараат.

Тој најави и построг надзор и регулирање на работата на поголемите банки.

Американскиот претседател во неделата објави дека Министерството за финансии и директорот на Националниот економски совет работеле напорно со регулаторите на банкарскиот сектор за да го решат проблемот на SVB и Signature Bank, додавајќи дека решението „не ги става доларите на финансиските обврзници на ризик“.

„Американскиот народ и американските бизниси можат да имаат доверба дека нивните депозити ќе бидат на место кога ќе им бидат потребни“, рече Бајден.

Тој, исто така, изјави дека е „цврсто посветен на целосна одговорност на оние кои доведоа до овој хаос“ и на продолжување на напорите за „зајакнување на надзорот и регулацијата на големите банки за да не бидеме повторно доведени во оваа ситуација“.

Управата за финансиска заштита на Калифорнија во петокот ја затвори SVB, 16-та најголема американска банка. СВБ е најголемата банка која пропадна по колапсот на оние во финансиската криза од 2008 година.

Вчера американските власти одлучија да им дозволат на штедачите пристап до сите нивни депозити од 13 март.

Читај Следно

10,371FansLike
2,319SubscribersSubscribe

Најнови Вести