2.8 C
Skopje
четврток, февруари 22, 2024

Блинкен: Употребата на овие беспилотни летала е застрашувачка

-Употребата на овие беспилотни летала за убивање на украинските цивили и уништување на инфраструктурата од која зависат е застрашувачка, изјави американскиот државен секретар за време на посетата на Отава.

САД, Канада и нивните сојузници заеднички работат за да го осудат, одвратат и спречат Иран да го испорача тоа оружје, додаде Блинкен.

Киев и неговите западни сојузници во последните неколку недели постојано ја обвинуваат Москва дека користи ирански беспилотни летала во нападите врз Украина.

Украина потврди дека околу 400 ирански беспилотни летала веќе се употребени против украинското цивилно население, а Москва порачала околу 2.000.

Техеран ги отфрли обвинувањата.

-Кога би ни било познато дека Русија употребува ирански беспилотни летала против Украина, сигурно немаше да бидеме рамнодушни кон тоа прашање, изјави неделава шефот на иранската дипломатија, Хосеин Амир Абдолахиан.

САД, Обединетото Кралство и ЕУ веќе воведоа санкции кон Иран поради проблемот со беспилотните летала.

Израелскиот претседател Исак Херцог во вторникот се согласи да сподели информации со САД кои покажуваат, според израелското разузнавање, дека иранските беспилотни летала се користат во војната во Украина.

Читај Следно

10,371FansLike
2,319SubscribersSubscribe

Најнови Вести