3.8 C
Skopje
сабота, јануари 14, 2023

Руски функционери бараат одмазда за мостот во Крим

Британското Министерство за одбрана објавило нов разузнавачки извештај кој ја разработува состојбата после експлозијата на мостот што ги поврзува Крим и Русија.

Во извештајот се наведува дека експлозијата би можела да има големо влијание врз способноста на Русија да ги одржи своите сили на југот на Украина.

Британските аналитичари предвидуваат дека експлозијата може да ги насочи и идните одлуки на Претседателот Путин кој не може да остане индиферентен и заради фактот што нападот се случил само неколку часа по неговиот 70-ти роденден.

Во извештајот се напоменува дека тој лично го спонзорирал и отворил кримскиот мост, а работите ги изведувал негов близок пријател од детството.

Според британското министерство, железничкиот дел од мостот одиграл клучна улога при распоредувањето на тешкото оружје на јужниот фронт во Украина.

Официјални лица во Москва и во окупираните делови на Украина повикаа на освета за експлозијата која вчера тешко го оштети мостот кој ги поврзува Крим и Русија.

„Против нас се води отворена терористичка војна“ рекол пратеникот на руската владеачка партија Олег Морзов за новинската агенција РИА Новости.

Франс Прес го цитира Кирил Стремусов, официјално лице од Херсон кој кажал „Сите го чекаат одмаздничкиот удар и веројатно ќе дојде до него“.

„Терористичка Украина мора да биде уништена“ рекол Владимир Рогов, проруски лидер во окупираниот дел на Запорожје.

Читај Следно

spot_img
10,371FansLike
2,319SubscribersSubscribe

Најнови Вести

spot_img