5.8 C
Skopje
петок, јануари 13, 2023

Петровска оддаде почит во спомен на загинатите бранители кај Љуботенски бачила

Денеска, во спомен на осумтемина бранители и припадници на Армијата кои животот го загубија кај месноста Љуботенски Бачила, министерката за одбрана Славјанка Петровска и началникот на Генералштабот, генералот Васко Ѓурчиновски, положија венец со свежо цвеќе на спомен обележјето на загинатите бранители кај Љуботенски бачила.

Во чест на загинатите, а како дел од низата одбележувања на овој настан, министерката Петровска како предводник на владината делегација во чиј состав беше и советникот за одбрана на Претседателот на Владата на Република Северна Македонија, Драган Василевски, положија венец со свежо цвеќе и пред спомен плочата на загинатите бранители во касарната „Илинден“ во Скопје.

На овој ден, пред 21 година, на патот кај месноста Љуботенски бачила животот го загубија Томе Бадаровски, Гоце Чанкуловски, Бранко Јанев, Томислав Настевски, Марјанчо Бошевски, Ивица Златевски, Томе Димовски и Раде Јанковски, припадници на резервниот состав на Армијата.

Читај Следно

spot_img
10,371FansLike
2,319SubscribersSubscribe

Најнови Вести

spot_img