Пациент во вторник наутро со возило на брза помош од Ротердам е пренесен во болница во Бохум, на околу 240 километри источно, а уште еден ќе биде пренесен во текот на денот, соопштија здравствените власти.
Бројот на пациенти со Ковид во холандските болници се искачи на највисоко ниво од мај во последните недели и се очекува дополнително да се зголемува бидејќи инфекциите достигнуваат рекордни нивоа.
Понудени се 20 кревети
Германските болници понудија вкупно 20 кревети за пациенти од Холандија, откако лекуваа десетици пациенти за време на претходните бранови на пандемијата.
Плановите на холандската влада да воведе дополнителни ограничувања за да се запре ширењето на вирусот предизвикаа три ноќи протести и повеќе од 170 апсења во градовите низ целата земја.
Од понеделник, 470 од вкупно 1.050 кревети во одделенијата за интензивна нега во Холандија се окупирани од пациенти со коронавирус, а болниците веќе ги намалуваат вообичаените постапки, вклучително лекување на рак и операција на срцето, за да обезбедат доволно простор за пациентите заразени со ковид.