16.8 C
Skopje
четврток, март 28, 2024

Илјадници луѓе протестираа во Картум поради преземањето на власта од страна на армијата (ВИДЕО)

Илјадници луѓе протестираа во Картум поради преземањето на власта од страна на армијата на 25 октомври, кога беше соборена транзициската влада и беа уапсени десетина политичари.

Протестите се организирани два дена откако лидерот на воениот удар генерал Абдел Фатах Бурхан се прогласи за шеф на Суверениот совет (суданската преодна влада).

Денешните протести се организирани од Суданската професионална асоцијација и така наречените Движења на отпорот. Двете групи го организираа и бунтот против поранешниот претседател Омар ал Башир во април 2019 година, а на нивниот повик се приклучија и други политички партии и движења.

Протестите се одржаа и покрај големото присуство на безбедносните сили во главниот град.

Претставникот на Обединетите нации во Судан Фолкер Пертес апелираше до безбедносните сили да покажат крајна воздржаност за време на протестите, а истовремено ги повика демонстрантите на мирни протести.

Од воениот удар, според суданските лекари и Обединетите нации, убиени се најмалку 14 луѓе.

https://youtube.com/watch?v=fUHZDyZnh38%3Fautoplay%3D1

Читај Следно

10,371FansLike
2,319SubscribersSubscribe

Најнови Вести