spot_img
11.8 C
Skopje
среда, октомври 20, 2021
spot_img

Официјално: На Австралија Опен ќе играат само вакцинирани, неизвесен настапот на Ѓоковиќ

Сите тенисери кои сакаат да добијат виза за учество на Австралија опен на почетокот на следната година, мора да бидат целосно вакцинирани. Ова денеска го објави австралискиот министер за имиграција,  Алекс Хок.

Новак Ѓоковиќ, кој е актуелен шампион на Австралија опен, досега одбиваше да открие дали е вакциниран, и рече дека не е сигурен дека ќе ја брани титулата во Мелбурн.

„На сите спортисти им се потребни две дози вакцина ако сакаат да ја посетат Австралија. Ова не се однесува само за тенисерите, туку и за секој странец кој сака да дојде”, изјави Хок за австралиското радио.

„Немам посебна порака за Новак. Апелирам до сите што сакаат да дојдат во Австралија дека мора да бидат целосно вакцинирани”, додаде министерот.

Според последните извештаи на медиумите, повеќе од 65 проценти од мажите во професионалниот тенис и помалку од 60 проценти од жените се целосно вакцинирани.

sportmedia.mk

Читај Следно

10,371FansLike
2,319SubscribersSubscribe
spot_img

Најнови Вести