Полицијата синоќа патролираше пред позната пекара Силбо во обид да спречи групирање на младите пред почетокот на полицискиот час.
Распоредени беа повеќе полициски возила и службеници, бидејќи оваа локација изминатиот период е една од најпопуларните за собирање на младите.
Познатата пекара речиси беше целосно опколена со униформирани полицајци.
И покрај видливото присуство на полициските службеници очигледно беше недисциплината помеѓу младата популација во однос на употребата на заштитните маски. Токму оваа локација е едно од најпопуларните места во главниот град каде најчесто младите се групираат и локација за која најчесто се пишуваат реакција на социјалните мрежи.
Инаку, Владата на Република Македонија на последната седница донесе одлука за измени и дополнувања за ограничување на движењето на граѓаните согласно која од 5 мај, среда, забраната за движење наместо од 21:00 часот започнува од 23:00 часот и трае до 05:00 часот наредниот ден.
