23 C
Skopje
понеделник, април 26, 2021
spot_img

За претстојните верски празници Велигден и Рамазан да нема полициски час

За претстојните верски празници Велигден и Рамазан да нема полициски час – е предлогот на Комисијата за заразни болести. Тоа би значело дека полициски час нема да има овој викенд сабота кон недела и меѓу 11 и 12 мај.

Како што истакна министерот за здравство Венко Филипче, другите олабавувања на мерките се полицискиот час да биде од 21 часот во останатите денови (освен за Велигден и Рамазан) и да се отворат летните тераси на кафулињата и рестораните, кои ќе може да работат до 20, односно до 20:30 часот.

Препораките од Комисијата се поради намалувањето на бројот на новозаразени и на хоспитализирани во изминатиот период. Мерките би биле на сила до завршување на празниците, по што повторно ќе се направи анализа.

„Никогаш не може да имаме толку контрола колку што треба граѓаните да бидат одговорни. Во разговор со верските заедници тие презедоа одговорност да не се дозволат масовни собири и одбележувањето на празникот да биде во согласност со епидемиолошките мерки. Тука клучна е и одговорноста на самите граѓани“, рече Филипче.

Тие утре ќе бидат на дневен ред на седница на Владата.

Читај Следно

10,348FansLike
2,319SubscribersSubscribe

Најнови Вести