Две лица загинаа во американската држава Тексас во сообраќајна несреќа во автомобил „Tesla“.
Полицијата во округот Харис за локалните медиуми во Хјустон изјави дека едно лице е пронајдено на местото на несреќата на совозачкото седиште, а друго на задното седиште од автомобилот во предградието на Спринг во саботата вечерта, објави АП.
Полицаецот Марк Херман изјави дека истражителите не се сигурни дека некој управувал со автомобилот за време на несреќата.
- Според положбата на телата, се чини дека тие биле самоуверени додека возеле, па се чини дека никој не управувал со автомобилот“, изјави Херман за KHOU-TV.
Полициските службеници велат дека автомобилот одел со голема брзина и дека не успеал да сврти пред да слета од патот, удирајќи во дрво, а потоа и се запалил. Идентитетот на жртвите не беше објавен, а KHOU дозна дека едното лице е 69, а другото 59.
Тесла не одговори веднаш на барањето за коментар.
Федералните службеници за безбедност во сообраќајот испитуваат дали неколку несреќи на „Tesla“ имаат врска со автопилотот, вклучително и судири во кои автомобили се „забиле“ под приколки на камиони.
Компанијата ги предупредува клиентите дека системот за помош на возачот, наречен „Autopilot“, не е автономна програма за возење и дека мора да се обрне внимание, како и дека возачите мора да бидат подготвени да го фатат воланот.
Сепак, додава Ројтерс, Националната алијанса за безбедност во сообраќајот соопшти дека системот им овозможува на возачите дане обрнуваат внимание и дека не прави разлика кога може да се користи автоматскиот пилот.
