7 C
Skopje
недела, април 18, 2021
spot_img

Bentley ќе гради луксузен станбен објект (ФОТО)

И додека познатите брендови на автомобили оставија силен белег во светот на хорологијата и модата, тие сега се стремат кон сосема друга сфера од нашите животи
Се повеќе брендови прават напредок во областа на архитектурата и дизајнот, особено во Мајами, каде што можеме да ги видиме кулите Porsche Design и Aston Martin Residences. Сега, друга марка сака да го добие своето место на таа величествена листа – Bentley Motors, најавувајќи изградба на облакодер висок 228 метри во областа на плажата Сончев остров во градот.

Bentley се здружува со „Dezer Development“ за да работи на овој проект, што го претставува нивниот прв луксузен станбен концепт досега. „Dezer“ , кој сигурно не е почетник кога станува збор за брендирани резиденции, во своето резиме има облакодери Armani/Casa и Porsche, кои соработуваат со „Sieger Suarez Architects“ за двата проекти.

Се разбира, многу потенцијални купувачи се прашуваат какви придобивки ќе имаат тие во автомобилскиот свет ако купат еден од ултра луксузните станови во новиот Bentley облакодер? Секоја од 200 станбени единици ќе има своја приватна гаража за повеќе автомобили, што значи дека паркирањето никогаш нема да ви претставува проблем. Патентиран лифт за автомобили ќе го донесе вашиот автомобил директно во вашето живеалиште, дури и ако не е од брендот Bentley.

Апартманите се дефинитивно спектакуларни – секој ќе има свој приватен балкон, базен, сауна и тушеви на отворено, со поглед кон океанот и заливот, прозорци од подот до таванот и максимална удобност. Надвор од становите, заедничките простории за станарите вклучуваат теретана, базен, спа центар, ресторан, ложа, приватно кино, виски бар и беспрекорно уредена градина.

Bentley Residences Miami ќе биде изграден во согласност со градежните сертификати на „Florida Green Building“, со што ќе се троши помалку електрична енергија, имајќи минимално влијание врз природната средина.

Според проценките, изградбата на овој проект ќе започне во 2023 година, а датумот на завршување е закажан за 2026 година. Во меѓувреме, заинтересираните купувачи можат да ја посетат официјалната веб-страница на проектот и веќе да го резервираат својот омилен стан.

Читај Следно

10,347FansLike
2,319SubscribersSubscribe

Најнови Вести