11 C
Skopje
среда, април 14, 2021
spot_img

Турција повторно воведува викенд-заклучување во повеќето провинции

Турција повторно воведува викенд-заклучување во повеќето провинции, а ограничувања се предвидени и за време на светиот муслимански месец Рамазан.

Причината е ненадејното зголемување на бројот на заразени со корона вирусот за помалку од еден месец откако властите класифицираа 81 провинција во четири категории ограничувања во рамките на контролираната нормализација, објави АП.
Оттогаш, бројот на заразени лица на дневна основа е скоро тројно зголемен на околу 30 000, што одговара на рекордните бројки забележани во декември.

Во исто време, во земјата со скоро 84 милиони жители, дневно се регистрираат околу 150 смртни случаи, наспроти 65 на почетокот на месецот.

Турскиот претседател Реџеп Таип Ердоган во телевизиското обраќање по состанокот на владата рече дека 58 турски провинции од вкупно 81, вклучително Истанбул и Анкара, сега се во „црвена“ зона и дека целосните ограничувања ќе се применуваат за нив во сабота и недела.

  • Ноќниот полициски час ќе продолжи за време на викендот – рече претседателот на Турција.

Само 17 провинции беа во „црвената“ зона на 2 март, кога училиштата делумно продолжија со работа, а на кафулињата и рестораните им беше дозволено да работат со половина капацитет, додека полицискиот час во неколку градови за време на викендот беше ублажен.

  • Зголемувањето на бројот на случаи и пациенти, како и скокот на бројот на смртни случаи, не принудуваат да ги преиспитаме постојните мерки – рече Ердоган во обраќањето до нацијата.
  • Бројот на нашите провинции кои се во црвената категорија, што е категорија со многу висок ризик, достигна 58, што претставува 80 проценти од населението. Ќе мора да предвидиме некои „жртви“ во текот на месецот Рамазан – рече претседателот на Турција.

За време на Рамазан, низ цела Турција, рестораните, кафулињата и сличните објекти ќе бидат отворени само за опцијата за носење, пренесува турската агенција Анадолија.

Рамазан започнува на 13 април и трае до 13 мај.

Читај Следно

10,348FansLike
2,319SubscribersSubscribe

Најнови Вести