8 C
Skopje
среда, април 14, 2021
spot_img

Сингапурската OCBC воведе биометриска технологија за препознавање на лице за услугите со банкомат

Сингапурската OCBC воведе биометриска технологија за препознавање на лице за услугите со банкомат, со што се елиминира потребата од носење платежни картички.

Банката тврди дека е прва во Југоисточна Азија што применила биометрика на лицето за услугата за биланс на сметката на осум банкомати во областа на Сингапур, пренесува сингапурскиот портал fintecnews.sg.

OCBC има намера постепено да ја прошири оваа технологија на услугата за подигање готовина на своите автомати во Сингапур, откако ќе утврди колку е безбеден овој начин на функционирање на банкоматите.

Потегот на банката се случи откако во јули 2019 година воведе технологија за QR-код за подигање готовина на банкомати.

OCBC наведува дека прашањата за билансот на сметката и повлекувањето на готовина се најчесто користените услуги на банкоматите и отфаќаат скоро осум од 10 од сите трансакции направени од клиенти на нивните банкомати.

Банката се приклучи на националната инфраструктура за дигитален идентитет на Сингапур и ја користи нивната технологија за потврда на лице SingPas за безбедно да ги провери корисниците во банкарски трансакции со банкомат без потреба од картички со банкомат.

Скенираното лице на клиентот е проверено во националната биометриска база на податоци на Сингапур, која содржи фотографии и идентитети на четири милиони жители на овој град-држава.

Верификацијата на лицето вклучува безбедносна карактеристика за спречување измама, која вклучува технологија за откривање на жив организам, со што се блокира можната злоупотреба на фотографии, видеа или маски за време на процесот на верификација.

Експертите велат дека ваквите технологии сè уште носат со себе одредени безбедносни предизвици кои треба да се решат, но дека во оваа ситуација, кога вирусот може да се пренесе рачно, тие се повеќе од корисни, бидејќи помагаат да се избегнат ризични контакти.

Читај Следно

10,348FansLike
2,319SubscribersSubscribe

Најнови Вести