Европската комисија и Италија ја блокираа испораката на вакцините „AstraZeneca“ во Австралија затоа што тој производител не ги исполнил обврските од договорот со ЕУ.
Според извори, „AstraZeneca“ побарала дозвола од италијанските власти за извоз на 250.000 дози од фабриката „Анањи“ во близина на Рим.
Италијанската влада одби да ја издаде дозволата, а Европската комисија ја поддржа во тоа, велат изворите.
За прв пат, Европската унија ја искористи можноста да забрани извоз на COVID-19 вакцини.
Во јануари блокот воспостави регистар за следење на извозот на вакцини среде спорот со британско-шведскиот производител за да следи дали лабораторијата ги исполнува своите договорни обврски кон ЕУ.
Овој механизам им овозможува на властите на одделни земји-членки на Унијата да блокираат извоз на дестинација надвор од Европската унија во консултација со Европската комисија ако блокот верува дека производителот не ги исполнил своите обврски кон ЕУ.
„AstraZeneca“ сè уште не ги доставила ветените дози до Европската унија, па ги намалила планираните испораки од 80 милиони на 40 милиони дози, оправдувајќи го ова намалување со тешкотии во производството.
Се сомневаше дека вакцините произведени во ЕУ се продаваат на земји надвор од блокот, поради што е воспоставен регистар за следење на извозот на вакцини.
