9 C
Skopje
вторник, април 6, 2021
spot_img

Чупиќ не мрда никаде, Вардар 1961 преговара за нов договор!

Иван Чупиќ има договор со Вардар 1961 до крајот на оваа сезона. Хрватскиот репрезентативец иако има 34 години игра одлично, тој е еден од главните мотори на „црвено-црните“ во изминатите години.

Токму феноменалните партии, прво беа причина да добие повик од Лино Червар за СП во Египет, а потоа да се најде на мета на бројни европски клубови. Пред месец дека беше најавено заминување на Чупиќ на крајот на сезоната, а од вчера излегоа информации дека Кил го сака уште во февруари.

СПОРТМЕДИА дознава дека Чупиќ останува до крајот на сезоната во „црвено-црниот“ дрес, а дека раководството на клубот веќе преговара за ново продолжување на соработката. Покрај единствениот македонски претставник во ЛШ, за хрватскиот ракометар притиска и ППД Загреб, а претходно конкретна понуда испрати и Мешков Брест.

Чупиќ во Вардар дојде во 2016 година од таборот на Келце, освои две шампионски титули во ЛШ со македонскиот тим, како и бројни домашни и СЕХА-титули.

sportmedia.mk

Читај Следно

10,322FansLike
2,319SubscribersSubscribe

Најнови Вести