Connect with us

Hi, what are you looking for?

Македонија

И натаму во Македонија е голем бројот на активни случаи од коронавирусот,ЕВЕ ГИ ДЕТАЛИТЕ ПО ГРАДОВИ

И натаму во Македонија е голем бројот на активни случаи од коронавирусот. Вчера беа регистрирани 580 нови заразени со што сега вкупниот број на активни изнесува 18.046. Вкупниот број ковид дијагностицирани во земјава од почетокот на епидемијата изнесува 84709, бројката на оздравени пациенти е 64104, а на починати 2559.

 На инфективните одделенија во земјава се лекуваат вкупно 889 пациенти заболени од Ковид-19.

Според извештајот на Институтот за јавно здравје за периодот од 28 декември 2020 до 3 јануари 2021 година се бележи намалување на бројот на нови позитивни случаи, на починати, како и на бројот на тестирани на коронавирус во однос на неделата пред неа. Регистрирани биле 2329 нови позитивни случаи од 33 градови во државата со намалување од 30,9 проценти. Најголем број од регистрираните случаи се од Скопје (n=1.086; 46,6 отсто). Процентот на позитивни од тестирани случаи на SARS-CoV-2 изнесува 21,6 отсто, намалување од 4,1 отсто. Во истиот период биле пријавени 93 починати од 22 града, со намалување од 27,9 отсто. За 17,9 отсто е помал бројот на тестирани на коронавирус. По добиени два негативни теста за присуство на SARS-CoV-2 или со употреба на новиот алгоритам, за оздравени се водат 3884 лица кои биле хоспитализирани или на домашно лекување.

Владата на вчерашната 37.седница го усвои и записникот од последниот состанок на Главниот координативен кризен штаб за обезбедување целосна координација во врска со спречување на внесување и ширење на Ковид-19, при што министерот за здравство Венко Филипче ги информираше и членовите на Владата дека по интензивни преговори се обезбедени количини на вакцини за цела 2021 година, дека од компанијата „Фајзер“, се очекуваат првите над 5.800 вакцини и дека во тек се преговори и со други компании, соопшти владината прес- служба.

Министерот Филипче информираше дека значително е намален притисокот на болниците и дека капацитетите за сместување на ковид болните лица се полупразни и беше констатирано дека мерките кои беа донесени од Владата во последниот период, а кои се однесуваат на намалување на ширењето на коронавирусот донеле резултати.

Владата на седницата ја усвои информацијата за давање согласност за преземање обврски на Министерството за здравство за набавка на вакцини за континуирана имунизација и вакцини по епидемиолошки индикации за потребите на населението за тригодишен период и тоа од јануари 2021 – декември 2023 година, стои во соопштението.

Претседателката на Инспекцискиот совет, Магдалена Грашкоска вчера на редовната прес-конференција апелираше до сите граѓани и до стопанствениците и за време на празниците да ги почитуваат мерките.

– Да празнуваме одговорно, во кругот на семејството, да се воздржиме од прослави и да нема групирања. Надлежните инспекциски служби и во текот на наредните денови ќе спроведуваат интензивни контроли на терен, сè со цел да се спречи ширењето на коронавирусот, рече Грашковска

Во моментов дистрибуцијата по градови е следна:

• Скопје 36623, активни 10840

• Куманово 4807, активни 475

• Дебар 651, активни 123

• Штип 3328, активни 200

• Прилеп 4291, активни 433

• Тетово 4811, активни 819

• Струга 2069, активни 267

• Велес 2808, активни 441

• Битола 3077, активни 482

• Охрид 2492, активни 460

• Кавадарци 2193, активни 500

• Гостивар 3421, активни 510

• Гевгелија 1192, активни 261 (80 лица од ПЕ Гевгелија се жители на Дојран, 203 на Богданци и 12 се странски државјани)

• Струмица 2344, активни 585

• Крива Паланка 642, активни 113

• Радовиш 627, активни 86

• Крушево 167, активни 73

• Кочани 1615, активни 188

• Пробиштип 453, активни 34

• Демир Хисар 237, активни 34

• Македонски Брод 222, активни 19

• Пехчево 157, активни 26

• Берово 512, активни 55

• Валандово 316, активни 47

• Виница 449, активни 59

• Делчево 671, активни 206 (183 лица од ПЕ Делчево се од Македонска Каменица)

• Кратово 193, активни 11

• Свети Николе 1044, активни 80

• Кичево 1590, активни 209

• Ресен 659, активни 138

• Неготино 1048, активни 272 (169 лица од ПЕ Неготино се жители на Демир Капија)

најчитани вести

Забава

Пејачката Светлана Цеца Ражнатовиќ за време на гостувањето во една ТВ – емисија изјави дека во овој момент би се омажила само за рускиот...

Свет

Глад доведе до смрт на 200.000 луѓе само во Европа, а немири избувнаа во Велика Британија и Франција, додека магацините со храна беа ограбени....

Забава

Српската пејачка Јелена Карлеуша многумина ценејќи по тоа што ја гледаат по ТВ екраните, ја доживуваат како многу арогантна и сурова личност, но оние кои приватно...

Балкан

Повозрасните генерации сигурно се сеќаваат на Југославија, во која се произведуваше сè што може да замислите, а многумина ќе кажат дека тогаш бил подобар...