14 C
Skopje
среда, април 14, 2021
spot_img

Вардар шампион со најдолг стаж од 574 дена, кој ќе биде новиот владател на Европа?

Келн ќе биде во центарот на вниманието во следните два дена, во „Ланксес Арена“ ПСЖ, Барселона, Веспрем и Кил ќе водат битка за пехарот во Лигата на шампионите.

Поради пандемијата коронавирус на тронот на Европа, македонскиот тим, Вардар остана најдолго на врвот, поточно тука ќе биде до утре или вкупно 574 дена.

„Црвено-црните“ на 2. јуни минатата година по вторпат ја освоија титулата, во финалето го совладаа Веспрем, додека претходно традиционално ја урнаа големата Барселона.

Ковид-19 го промени спортот, како и патот до Ф4. ЕХФ немаше друго решение освен во полуфиналето да ги лансира ПСЖ – Барселона и Веспрем – Кил. Единствен македонски претставник на завршницата за минатата сезона е нашиот репрезентативец, Дејан Манасков, кој настапува за унгарскиот првак. Дуелот со германскиот тим, Кил, кој по паузата од четири години одново ќе има шанса да се бори за трофејот, се игра со почетокот во 20:30 часот.

Претходно во првата полуфинална пресметка силите ќе ги одмерат ПСЖ предводен од Раул Гонзалез, творецот на првата златна генерација на Вардар. Шпанскиот стратег треба на францускиот клуб да им го донесе првиот пехар во историјата. Тој на другата страна ќе го има својот сонародник, Чави Пасквал, неговата Барселона последен пат пехарот го подигна во сезоната 2014/2015.

Раул еднаш го доби како предводник на Вардар и тоа во полуфиналето во 2017 година, па останува да видиме дали ќе успеа да ја создаде истата хемија како во времето кога беше стратег на „црвено-црните“.

Кога сме кај титулите, Барселона е најтрофејниот тим во ова натпреварување, има девет. Од учесниците на Ф4 во Келн, Кил има три, додека Веспрем и ПСЖ се немаат израдувано.

sportmedia.mk

Читај Следно

10,348FansLike
2,319SubscribersSubscribe

Најнови Вести