Јирген Клоп е прогласен за тренер на годината во изборот на ФИФА на што и самиот беше изненаден со оглед дека мислеше дека Ханси Флик ќе ја понесе наградата затоа што имаше неверојатна сезона на клупата на Баерн, освои се што можеше да се освои: Бундес, Купот, Суперкупот и Лигата на шампионите.
А двајцата влегоа во потесниот круг за наградата, а на крајот биле изедначени (по 24 поени според правилникот на бодување). Сепак, Клоп победил и тоа поради една причина. Флик освоил повеќе гласови во изборот на новинарите и навивачите, а беше втор во изборот на капитените и селекторите. Клоп ги освои гласовите на капитените и селекторите, а според гласачкиот правилник при изедначени поени, победник е оној што ќе добие повеќе гласови од капитените и селекторите на сите репрезентации членки на ФИФА.