Францускиот шампион ПСЖ ќе мора да се раздели со една од своите две најголеми sвезди Нејмар или Килијан Мбапе, за барем еден од нив следната сезона остана во редовите на тимот. Како што пишува весникот Л’Екип, ПСЖ најверојатно ќе го жртвува Нејмар за да го финансира новиот договор на младиот Килијан Мбапе.
И на двајцата тековните договори им истекуваат во летото 2022 година, а клубот не може да си дозволи и на двајцата да им понуди нови астрономски договори. Затоа, многу веројатно е дека Нејмар ќе оди на продажба со цел да се задржи помладиот голгетер.