Connect with us

Hi, what are you looking for?

Свет

Русија донесе закон за ДОЖИВОТЕН ИМУНИТЕТ за претседателите

Руските пратеници во првото читање усвоија закон со кој се гарантира имунитет на поранешните претседатели, а за кој се верува дека е во корист на сегашниот шеф на државата, Владимир Путин.

Според документот, кој беше усвоен во првото читање и чие конечно усвојување не е доведено во прашање, лице кое некогаш служеше како претседател „не може да биде предмет на кривична или административна постапка, ниту да биде уапсено, претресено или испрашувано“.

Тој имунитет, кој ќе го уживаат членовите на семејството на поранешните руски претседатели, ќе важи и за неговиот имот, средства за транспорт и комуникација, како и за документите што му припаѓаат. Имунитетот може да се укине само доколку поранешниот претседател е обвинет за предавство или друго тешко дело и ако тие обвиненија се потврдени од Врховниот суд и Уставниот суд, како и од две третини од пратениците на Државната дума и ист број на горниот дом на Советот на Руската Федерација.

Тој документ не се однесува на поранешниот претседател на Советскиот Сојуз, Михаил Горбачов, прецизира еден од авторите на текстот, Павел Крачениников, пренесува агенцијата РИА Новости.

Иницијативата предизвика гласини во Русија за можно заминување на Владимир Путин (68), но Кремлин ги одби, уверувајќи го дека е претседател со добро здравје.

Засега, покрај Путин, има само еден поранешен претседател на Русија, Дмитриј Медведев, кој ја водеше земјата од 2008 до 2012 година.

Медведев, кој сега е потпретседател на Советот за национална безбедност, беше предмет на неколку антикорупциски истраги од опозицискиот лидер Алексеј Навални, кој го обвинува за примање мито од олигарси и за водење на империјата на недвижнини.

најчитани вести

Забава

ОВЕН Работа: Под голем стрес сте на работа. Не само што имате проблеми за реализација на плановите, туку добивате лоши вести за финансиите. Љубов:...

Забава

Сансевиерија е цвеќе кое не бара многу грижа – се пресадува на секои 2 до 3 години во малку поголема саксија Почвата треба да...

Македонија

Комисијата за заразни болести денеска одржа состанок на кој не се предложени нови рестриктивни мерки за заштита од Ковид-19, потврдија за МИА од Министерството...

Македонија

Времето денеска ќе биде сончево со мала облачност, претпладне по одделни котлини со појава на магла. Преку денот ќе дува слаб јужен ветер. Минималната...