7 C
Skopje
среда, април 7, 2021
spot_img

ПОТПИШАН НАЈГОЛЕМИОТ ТРГОВСКИ ДОГОВОР ВО СВЕТОТ

Петнаесет азиско-пацифички земји формираа најголем трговски сојуз во светот.

Тоа се случи под покровителство на Кина и без учество на Соединетите држави, кои ги напуштија преговорите за слично здружение под власта на американскиот претседател Доналд Трамп.

Потпишувањето на Сеопфатното регионално економско партнерство (РЦЕП) на состанокот во Ханој доаѓа три години по распадот на Транспацифичкиот трговски договор (ТТП), што би било едно од најголемите наследства на владата на поранешниот американски претседател Барак Обама, пренесува Ројтерс. Неговиот наследник, Доналд Трамп, се повлече од тој договор во 2017 година, на првиот ден од неговиот мандат, кој, доколку стапеше во сила, ќе опфатеше скоро третина од светската трговија.

RCEP сега може дополнително да го зајакне влијанието на Кина во Азија, давајќи и подобра позиција да ги обликува трговските правила во регионот. Го потпишаа 15 земји – десет членки на Здружението на нации од Југоисточна Азија (АСЕАН), како што се Малезија, Филипини, Индонезија и Виетнам, како и Австралија, Кина, Јапонија, Нов Зеланд и Јужна Кореја.

Договорот е важен затоа што ривалските регионални сили Кина, Јапонија и Јужна Кореја за прв пат се дел од заеднички договор. Индија се повлече од договорот од 2019 година.

Договорот беше потпишан виртуелно, на самитот на АСЕАН, на кој се дискутираше за напнатоста во Јужното кинеско море и плановите за закрепнување на економијата по пандемијата на коронавирусите.

Целта на договорот е постепено намалување на царините во наредните години, а некои од нив ќе бидат веднаш укинати. РЦЕП ќе покрие 30 проценти од светската економија, ист процент од светската популација и ќе опфати 2,2 милијарди потрошувачи, објави Виетнам, домаќинот на состанокот.

Договорот стапува на сила кога ќе го ратификуваат доволен број држави, во следните две години, рече минатата недела индонезискиот министер за трговија.

Читај Следно

10,322FansLike
2,319SubscribersSubscribe

Најнови Вести