11 C
Skopje
петок, април 16, 2021
spot_img

УЕФА крои план за ЕП во три-четири градови, „Вембли“ може да го загуби финалето

Европската фудбалска куќа може да се откаже од оригиналниот план за организација на Европското првенство 2020 (односно 2021), па место во 12 градови да се фокусираат на три или четири градови. Според „Дејли меил“ најголемиот стадион во Англија „Вембли“ може да го загуби финалето, ако до следното лето во Англија стадионите не се отворат за фановите. Овој стадион по планот треба да биде домаќин на седум натпревари, од кои две полуфиналиња како и дуелот за трофејот. Ако нема да може да има публика, митскиот стадион ќе го загуби финалето, но ќе остане домаќин на некои мечеви од групите или раната нокаут фаза, пренесува „Дејли меил“.

Најголемата дилема на шефовите на УЕФА е дали државите (градовите) домаќини ќе можат да ги примат фановите и спонзорите на соодветните стадиони, затоа што тоа е важно како од финансиска, така и од емоционална и естетска гледна точка. Ситуацијата со КОВИД-19 во градовите и државите домаќини се следи постојано, па во најлошо сценарио ЕП ќе се одигра само во три или четири градови.

sportmedia.mk

Читај Следно

10,347FansLike
2,319SubscribersSubscribe

Најнови Вести