Дерик Роуз, еден од најдобрите бекови во НБА, една од најголемите ѕвезди на денешницата во најсилната кошаркарска лига во светот, е на добар пат да потпише за Лејкерси, новиот шампион. Откако вчера излезе информација дека Крис Пол би можел да дојде во “градот на Ангелите“, утринава се шпекулира дека бекот на Детроит, а претходно и на Чикаго Булс, би можел да биде дел од таа непобедлива тројка: Леброн – Дејвис – Роуз. Медиумите во САД известуваат дека откако ја освоија титулата во НБА, сега Лејкерси се во добра позиција да го засилат својот тим, токму со некогаш најмладиот МВП во регуларниот дел во НБА.