Connect with us

Hi, what are you looking for?

Свет

Франција најави МИЛИЈАРДА ЕВРА ЗА ФИРМИТЕ ШТО ИМАЛЕ ШТЕТИ ПОРАДИ ПОЛИЦИСКИОТ ЧАС

Францускиот министер за финансии, Бруно Ле Меир вети милијарда евра дополнителна помош за компаниите чиј промет опаднал од воведувањето на полицискиот час во Париз и осум други големи градови за да се запре ненадејното ширење на коронавирусот.

Ле Меир исто така рече дека компаниите во угостителството погодени од проблеми, ќе бидат ослободени од плаќање придонеси ако нивните приходи поради полицискиот час се намалат за повеќе од 50 проценти.

Воведувањето на полицискиот час е одговор на претседателот Емануел Макрон на проблемот со кој се соочуваат земјите низ цела Европа, обидувајќи се да ја одржи економската активност и да ги заштити работните места, истовремено забавувајќи го ширењето на инфекцијата и намалувајќи го притисокот врз преоптоварените здравствени системи.

„Новите мерки ќе чинат околу милијарда евра и ќе бидат на сила се додека не се укине полицискиот час“, рече министерот за финансии на прес-конференција.

Тој исто така им порача на банките да ја одложат наплатата на каматите за заеми што покрај државните гаранции, им ги одобрија и на проблематичните компании во хотелската, угостителската и индустријата за организирање настани.

Француската банкарска асоцијација (ФБФ) во коментар испратен до Ројтерс преку е-пошта посочува дека „банките го делат ставот дека флексибилноста треба да биде правило“.

Француските банки одобрија повеќе од 120 милијарди евра заеми оваа година со државни гаранции.

Постојаниот дијалог меѓу компаниите и нивните банкари е клучен за да се најдат најдобрите решенија за отплата на заемот, додаде ФБФ.

„Банките се убедени дека можат да преземат конкретни мерки, како и при доделувањето заеми со помош на државата, во совршена координација со државните органи и компании“, велат тие.

Премиерот Жан Кастекс рече дека граѓаните може да го пробијат полицискиот час само кога е во прашање работата, да патуваат со воз или авион, да им треба медицинска помош или дури да шетаат куче, но во случај на полициска проверка ќе мора да покажат документ од Министерството за внатрешни работи со кој се ослободувааат од забраната.

Францускиот министер за внатрешни работи рече дека 12.000 полицајци ќе го контролираат спроведувањето на полицискиот час во Париз, Тулуз, Марсеј, Монпелје, Гренобл, Руан, Лил, Лион и Сент Етјен.

Ова значи дека мерката ќе опфати околу 20 милиони луѓе, скоро третина од населението на Франција.

Казната за прекршителите е 135 евра.

најчитани вести

Македонија

Митко Јанчев, актуелниот градоначалник на Кавадарци најавува нова кандидатура на локалните избори кои ќе се одржат наредната година, но останува енигма дали тоа ќе...

Свет

Корона вирусот може да предизвика намалување на когнитивните функции на мозокот, се наведува во новата студија која ја цитира „Тајмс“. Конкретно пациентите кои се...

Македонија

Митко Јанчев пред малку повика на протест пред седиштето на ВМРО-ДПМНЕ каде ќе се бара оставка од Мицкоски. “Почитувани, Митко Јанчев, претендент за претседател...

Македонија

ИТНО! ИТНО! ИТНО! Потребна е донација од крвна плазма од пациент со крвна група НУЛТА НЕГАТИВ кој веќе го прележал COVID-19! Донацијата е потребна...