Милијардерот Бил Гејтс ги повика Соединетите американски држави следната година да започнат кампања за вакцинација против коронавирусот, ангажирајќи „доверливи луѓе“ за да ја намалат отпорноста кон вакцината.
Гејтс се пожали и на брзото ширење на теории на заговор на Интернет
Основачот на „Мајкрософт“ и еден од главните заговорници и финансиери на истражувањето на вакцини, рече дека благодарение на вакцините, богатите земји ќе можат да се вратат во нормала по пандемијата до крајот на 2021 година.
Тоа го рече во својот говор за време на состанокот на бордот на директори на „Волстрит журнал“, пренесува РТ.
Иако тој најави дека вакцините ќе бидат достапни следната година, Гејтс рече дека мора да се создаде „доверлива мрежа“ за да се надминат скептиците, бидејќи неодамнешните истражувања во САД покажуваат дека помалку од половина од Американците сакаат да се вакцинираат, дури и ако примат 100 долари за возврат.
Жалејќи се дека отпорноста кон вакцините постои во сите држави и дека им претходи на пандемиите, Гејтс им предложи на американските здравствени власти да размислат чии гласови би можеле да ја намалат отпорноста, така што ќе има доволно ниво на вакцинација за да се запре ширењето на вирусот.
Тој наведе пример за вакцина против детска парализа и наведе држави кои користеле слични тактики за вакцинирање на своите граѓани.
– Во земји како Нигерија, моравме да одиме кај верските лидери, да разговараме со нив за да повикаме на вакцинација на децата. Затоа е многу важно да се разбере мрежата на доверба, кои се луѓето на кои им се верува. Многу малку луѓе можат директно да разберат научна формулација или податоци, рече Гејтс.
Ентони Фаучи, еден од главните американски епидемиолози, претходно откри дека веќе работи на тоа и дека државата има план за кампањата. Тој додаде дека „спортисти, социјални херои и влијателни луѓе“ ќе се залагаат за вакцината во таа кампања.
Гејтс повторно се осврна на теоретичарите на заговор и социјалните мрежи на кои се шират теориите на заговор. Тој се пожали дека теориите на заговор за него се шират побрзо од вистината дека вирусот потекнува од лилјак.
Милјардерот ги повика социјалните мрежи „да ги забават или обележат работите што прават голема штета, како што се повиците да не се носат маски или да не се прима вакцината, бидејќи тоа се клучни алатки за да се вратиме во нормала.
