4 C
Skopje
петок, април 16, 2021
spot_img

ПОРАНЕШНИ ЕВРОПРАТЕНИЦИ СО КОНТИНУИРАНА ПОДДРШКА ЗА НАШИТЕ ЕВРОИНТЕГРАТИВНИ ПРОЦЕСИ

Членовите на Комисијата за европски прашања и на Комисијата за надворешна  политика на Собранието на Република Северна Македонија, вчера остварија виртуелна средба со делегација од поранешни европратеници во Европскиот парламент, предводени од поранешниот претседател, д-р Ханс Герт Потеринг. Свои обраќања имаа претседателот и членот на Комисијата за европски прашања, г. Адеми и  г-ѓа Снежана Калеска Ванчева, како и претседателот на Комисијата за  надворешна политика, г. Антонијо Милошоски, кои поздравувајќи ја оваа иницијатива на бившите европратеници за виртуелна средба, им посакаа добро здравје и успех во  понатамошните нивни активности.

Притоа, беше истакнато дека Северна Македонија направи многу во  последниве неколкугодини, пред сѐ, со потпишувањето на Преспанскиот договор со Република Грција, како и на Договорот за пријателство, добрососедски односи и соработка со Република Бугарија, со што ја потврдивме нашата заложба за поттикнување на добрососедските односи со сите наши соседи, како предуслов за просперитет и развој. Се истакна дека Северна Македонија е мултиетничко општество и преку имплементацијата на Охридскиот рамковен договор обезбеди унапредување на правата на сите заедници, што би можело да послужи како пример за целиот регион.

Во пресрет на  објавувањето на октомврискиот Годишен извештај за напредокот на земјата, беше изразена надеж дека тој ќе биде позитивен за земјата и дека до крајот на годината, за време на германското претседателство со ЕУ ќе се одржи Првата меѓувладина конференција, и ќе се финализира процесот на скрининг и подготовка за отворање на првиот кластер.

Поранешните европратеници им го честитаа изборот на новите пратеници во Собранието. Притоа, ја потврдија нивната континуирана поддршка за нашите  евроинтегративни процеси, која ќе продолжи и понатаму, при што  истакнаа  дека членовите на  Европскиот парламент, како и актуелниот претседател г. Сасоли се искрени поддржувачи на Северна Македонија и нејзините аспирации за ЕУ членство.

На прашањата за понатамошните чекори во врска со потребните ЕУ реформи, претениците ги информираа европратениците за  актуелните случувања во земјата во поглед на реализацијата на Преспанскиот договор, Договорот за  добрососедство со Бугарија, како и на останатите услови и реформи кои од нас ги  бара  ЕУ.

Читај Следно

10,348FansLike
2,319SubscribersSubscribe

Најнови Вести