14 C
Skopje
среда, април 14, 2021
spot_img

Земјата не е единствената планета на која може да се живее

Изгледа дека Земјата не е најдобрата планета за живеење на универзумот.

Истражувачите идентификуваа неколку планети надвор од нашиот Сончев систем кои може да имаат многу посоодветни услови за живот, од самата Земја.

Една студија предводена од научникот на Државниот универзитет во Вашингтон, Дирк Шулце-Макуч, неодамна објавена во списанието „Астробиологија“, детално ги опишува карактеристиките на можните „погодни за живеење“ планети, каде се вклучени оние кои се постари, малку поголеми, малку потопли  и веројатно повлажни од Земјата.

Исто така животот може полесно да цвета и на планета опкружена со sвезди, бидејќи животниот век може да биде подолг отколку на Земјата.

„Со доаѓањето на идните вселенски телескопи, ќе добиеме повеќе информации, па затоа е важно да избереме некои цели“, рече Шулце-Макуч, професор од УСУ и Техничкиот универзитет во Берлин.

 „Мора да се фокусираме на одредени планети кои имаат најмногу ветувачки услови за сложен живот, сепак, мора да бидеме претпазливи да не заглавиме во потрага по втора Земја, бидејќи може да има планети кои можат да бидат посоодветни за живот од нашата.

Водата е клучот за животот и авторите тврдат дека малку повеќе би помогнало, особено во форма на влага, облаци и влажност. Нешто потопла температура, просечно од околу 5 степени Целзиусови поголема од Земјата, заедно со дополнителната влага, исто така, ќе биде подобра за живот. Оваа предност за топлина и влажност се гледа на Земјата со најголем биодиверзитет во тропските шуми.

Читај Следно

10,348FansLike
2,319SubscribersSubscribe

Најнови Вести