20.8 C
Skopje
четврток, март 28, 2024

СКАНДАЛ: Хрват почина откако МУ СТАВИЛЕ ДЕЗИФИЦИЕНТ НАМЕСТО ТЕРАПИЈА

Кобна била грешката на медицинските сестри за 62-годишен пациент од хрватскиот град Чаковец, кој починал за време на рутинска постапка на хемодијализа, поради, како што соопштија од болницата, вбризгување на недозволено средство.

Претседателката на Управниот Одбор на болницата во Чаковец, Соња Тошиќ Грлач изјави дека пациентот на хемодијализа починал, откако по грешка му бил вбризган дезинфисиенс и изрази сочувство до семејството на починатиот. Таа потенцира дека двете сестри повеќе не се дел од персоналот. Запрашана како воопшто е можно да се случи таква грешка, Тошиќ Грлач нагласи дека дезинфисиенсите во болниците се вообичаени средства што постојано се наоѓаат на количките на медицинските сестри.

-Грешка е можна и, за жал, се случи, изјави Тошиќ Грлач.

Таа додаде дека ќе биде спроведен професионален интерен надзор, откако ќе се обезбедени изјави од учесниците во немилиот настан.

-Сè ќе биде подложно на анализа. Интерната комисија ќе разговара со сите страни во случајот и ќе донесе мислење по што ќе дојде на ред и инспекција од Министерството“, рече Тошиќ Грлач.

Кобната грешка, според неа, се случила вчеравечер.

-Утрово болницата го извести семејството. Денеска нè посети полицијата, Државното Обвинителство. Нив ги интересира што се случило и чија е вината. Зедоа и некоја документација, вели Тошиќ Грлач.

Телото на починатиот пациент е превезено во Заводот за судска медицина и криминалистика во Загреб каде треба да се утврди од што точно настапила смртта.

Читај Следно

10,371FansLike
2,319SubscribersSubscribe

Најнови Вести